ရွိုင်ရယ်-ဒီ အနေနဲ့ လူမှုအကျိုးပြု လှုပ်ရှားမှုတစ်ရပ်အဖြစ် “ရိမ ပရဟိတကျောင်း” နှင့် “မျိုးဆက်သစ် ပရဟိတကျောင်း” များမှ ချစ်စရာ ကလေးငယ်လေးများကို ရန်ကုန်တိရစ္ဆာန်ဥယျာဉ်သို့ ခေါ်ဆောင်၍ ပျော်ရွှင်စရာကောင်းသော အမှတ်တရ ခရီးစဉ်တစ်ခု ဖန်တီးပေးခဲ့ပါတယ်။ 🚌💚
အစီအစဉ် ပထမပိုင်းအနေဖြင့် ကလေးငယ်များ စိတ်အေးချမ်းသာစွာ သွားလာနိုင်ရန် ပရဟိတကျောင်းများမှ ရန်ကုန်တိရစ္ဆာန်ဥယျာဉ်သို့ Express Bus ကားကြီးများဖြင့် အကြိုအပို့ စီစဉ်ပေးခဲ့ပါတယ်။ ရန်ကုန်တိရစ္ဆာန်ဥယျာဉ်သို့ ကလေးငယ်များ ရောက်ရှိချိန်မှာလည်း ပျော်ရွှင်စရာ Zoo Map လေးများနှင့် ရောင်စုံ ပူဖောင်းလေးများ ဝေငှပေးကာ နွေးထွေးစွာ ကြိုဆိုခဲ့ကြပါတယ်။ 🎈🗺️
ကလေးများအတွက် အတွေ့အကြုံသစ်များနှင့် ဗဟုသုတများစွာ ရရှိစေရန်အတွက် –
တိရစ္ဆာန်လေးများအား အစာကျွေးခြင်း အစီအစဉ်🍌၊ Buggy ကားလေးများစီးကာ ဥယျာဉ်တစ်ခွင် လှည့်လည်ကြည့်ရှုခြင်း အစီအစဉ်နှင့် တိရစ္ဆာန်စောင့်ရှောက်သူများ၏ တိရစ္ဆာန်လေးများအကြောင်း စိတ်ဝင်စားဖွယ် ရှင်းပြချက်များကိုလည်း စိတ်ပါဝင်စားစွာ နားထောင်ခဲ့ကြပါတယ်။ 🚜
ဥယျာဉ်တစ်ခွင် လှည့်လည်လေ့လာစဉ် ကလေးငယ်များ မောပန်းမှုမရှိစေဘဲ ရေဓာတ်နှင့် အားအင်ပြည့်ဝနေစေရန် ရွိုင်ရယ်-ဒီ များကိုလည်း တိုက်ကျွေးခဲ့ပါတယ်။ 🍹🍃
လေ့လာရေး ခရီးစဉ်အပြီးမှာ ကလေးငယ်များ အားလုံး အတူတကွ နေ့လည်စာ စားသောက် အမောဖြေကြပြီး မျက်လှည့်ပြပွဲဖြင့် ဖျော်ဖြေတင်ဆက်ပေးခဲ့ရာ ကလေးငယ်များရဲ့ မျက်နှာပေါ်က ကြည်နူးစရာ အပြုံးလေးတွေဟာ ရွိုင်ရယ်-ဒီ (Royal-D) အတွက်တော့ မေ့မရနိုင်တဲ့ အကောင်းဆုံး ဆုလာဘ်တစ်ခုပဲ ဖြစ်ပါတယ်။ 🪄✨💚
အစီအစဉ်ရဲ့ နောက်ဆုံးမှာတော့ ကလေးငယ်များ၊ ဆရာ/ဆရာမများနဲ့ Royal-D အဖွဲ့သူ/အဖွဲ့သားများ အတူတကွ အမှတ်တရ Photo ရိုက်ကူးရေး ပြုလုပ်ခဲ့ကြပြီး ရန်ကုန်တိရစ္ဆာန်ဥယျာဉ် အမှတ်တရ ခရီးစဉ်လေးကို ပျော်ရွှင်စွာ အဆုံးသတ်ခဲ့ပါတယ်။ 📸✨🥰
ရှေ့ဆက်ပြီးတော့လည်း ရွိုင်ရယ်-ဒီ အနေနဲ့ လူမှုအဖွဲ့အစည်းအတွက် အကျိုးပြုမယ့် ကောင်းမွန်သော အစီအစဉ်များကို ဆက်လက်ဖန်တီးသွားမှာဖြစ်ပါသည်။ 😊
“ချွေးထွက်များလို့ ရေဓာတ်ဆုံး ရွိုင်ရယ်-ဒီ သာ အကောင်းဆုံး” 💚
